recent
أخبار ساخنة

العطلة من العطالة ؛ نصيحة مني كن عمليا وقنوعا



نصيحة مني وإليكم عمرك تستنى باباك ولا ماماك يعطيواك شي حاجة  ولي عاش يتيم الحمد لله على كل حال راه سيد الخلق اجمعين محمد صلى لله عليه وسلم على عاش يتيما والله يرحم والديكم ⁦❤️⁩ 

شوف أخي شمر على دراعك واخا صغير فوق 12 سنة  في الصيف مدوزوشي تباحر ولعب ولهو ومكيناشي شي حاجة اسمها عطلة صيفية هاد المفهوم غربي ولكن غير حنا لي فهمناه بالعكس ؛ ناس ديال اوروبا كيخدموا في الصيف؛ وحنى كبقاو نسرفوا ونضيعوا فلوس صحيحة ونضيعوا اغلى شي وهو الوقت لي عنتحاسبوا عليه .

شوف واخا عندكم امكانيات العيش هدشي ماشي مبرر باش تتباهي وتلهى وتتبع الهوى؛ خدم أخاي ودوز تجارب تنفع بهم راسك؛ الواليد ولا المعيل مدايمشي ؛ دير انت اسباب النجاح لراسك ؛ العمل عبادة ؛ راه خصتك تكافح وتعاني باش ملي تزوج ودير ولادك يكونوا قدوة ليك ؛ ماشي تعيش على ظهر والدك وانت شاب فايت 20 سنة .


انا بكل تواضع بديت نخدم في الصيف ملي كنت في التاسعة الاعدادي طبعا والى حدود اللحظة مزال كل صيف كنخدم وفعمري كيف قلت ليكم من قبل 27 سنة .
خدمت في الخياطة والنجارة والتجارة والبناء وكنت عامل نظافة واخر حرفة تعلمتها هي صيف ديال الباكلوريا فاش كملت دخلت مقهى وتعلمت هاد مهنة نعمل قهوة ونسربي ومن 2012 حتى صيف 2019 مزال في نفس الحرفة ؛ كنقول غير صيف واخا عندي إمكانية نخدم على طول العام ولكن لا ثم لا احذر أخي يغرك الطمع وتبقى خدام وتنسى قرايتك .
انا قلت ليكم من قبل عمري ضيعت حصة في جميع المستويات حتى في الجامعة لي الحضور غير ملزم ؛ كن قنوعا تعيش سعيدا؛ وحافظ على قرايتك هي اهم شيئ .
وفقكم الله جميعا .
شاركنا نصيحتك على الواتساب   
0650310683 
google-playkhamsatmostaqltradent